कॉन्स्टेबल जीडी आणि सीजीएल टियर -2 परीक्षेचे वेळापत्रक जाहीर
उमेदवारांची प्रवेशपत्रे परीक्षेच्या तारखेच्या काही दिवस अगोदर ऑनलाइन माध्यमातून डाउनलोड करण्यासाठी उपलब्ध करून दिली जातील. कोणत्याही उमेदवाराला प्रवेशपत्र पोस्टाद्वारे पाठवले जाणार नाही.
eduvarta@gmail.com 
एज्युवार्ता न्यूज नेटवर्क
SSC (Staff Selection Commission) कॉन्स्टेबल GD भरती 2025 (SSC Constable GD Recruitment 2025) आणि SSC CGL (SSC Combined Graduate Level) भरतीमध्ये सहभागी होणाऱ्या उमेदवारांसाठी एक मोठी बातमी आहे. स्टाफ सिलेक्शन कमिशनने SSC कॉन्स्टेबल GD भरती 2025 आणि SSC CGL या भरतीसाठी परीक्षेच्या तारखा जाहीर केल्या आहेत (Time table of exam for recruitment have been announced) परीक्षेचे वेळापत्रक SSC च्या https://ssc.gov.in/ या अधिकृत वेबसाइटवर PDF स्वरूपात ऑनलाइन प्रसिद्ध करण्यात आले आहे.
अधिसूचनेत दिलेल्या माहितीनुसार, संयुक्त पदवी स्तर परीक्षा, 2024 (टियर II) 18, 19 आणि 20 जानेवारी 2025 रोजी देशभरातील नियुक्त परीक्षा केंद्रांवर आयोजित केली जाईल. याशिवाय केंद्रीय सशस्त्र पोलीस दलात (सीएपीएफ), एसएसएफ, आसाम रायफल्समध्ये रायफलमन (जीडी) आणि नार्कोटिक्स कंट्रोल ब्युरो परीक्षा, शिपाई (एनसीबी) भरती परीक्षा 5 ते 25 फेब्रुवारी 2025 दरम्यान घेण्यात येणार आहे.
उमेदवारांची प्रवेशपत्रे परीक्षेच्या तारखेच्या काही दिवस अगोदर ऑनलाइन माध्यमातून डाउनलोड करण्यासाठी उपलब्ध करून दिली जातील. कोणत्याही उमेदवाराला प्रवेशपत्र पोस्टाद्वारे पाठवले जाणार नाही.
दरम्यान, एसएससी सीजीएल टियर 1 परीक्षा 9 ते 26 सप्टेंबर 2024 दरम्यान घेण्यात आली होती. या परीक्षेचा निकाल लवकरच SSC द्वारे घोषित केला जाऊ शकतो. निकाल एसएससीच्या अधिकृत वेबसाइटवर ऑनलाइन प्रसिद्ध केला जाईल. परीक्षेच्या या टप्प्यात विहित कटऑफ गुण प्राप्त करणारे उमेदवारच भरतीच्या पुढील टप्प्यासाठी पात्र मानले जातील.
